TRUP

Aq gjatë ke qëndruar fshehur nga unë,

Ndonëse je dritë mbi dritë!

Të dua më shumë se çdo gjë tjetër!

Etje e uri kam veç Ty!

Ti i përket gjithë universit, kur dalldisem në çmendurinë time,

Ndiej sikur ekzistojmë veç unë e Ti.

Deri sa të kam parë, verbërisht jam hedhur në krahët e

botës që më ka përqafuar gjembshëm!

Esencën e dashurisë e kam gjetur te Ti,

Aromë që s’hiqet kur një herë mbi shpirt e spërkat.

Ti më hesht me hijeshinë Tënde,

Të shenjta i bën të gjitha mendimet e mia tokësore,

Flakët e mallit tim shkrijnë gjithçka të ftohtë e të ulët në mua,

Trupin tim nga dheu e formësojnë, poç i bukur që më mban,

Sarkofag i shenjtë që më ka robëruar,

Tempull toke që mban një qenie nga qielli,

Do të vijë një ditë kur shpirti im do ta lirojë gjithë dritën,

Në ekzistencën e dashurisë Sate jam shkrirë.

Do të vijë një ditë kur do të shpërthejë drita në mua,

I turpëruar do të mbetet dielli!

 

Stamboll, Maj 2015